亦都可能因為懶啦 唔會好主動咁搵人
通常都等人地主動左我先俾反應
我唔介意人地對我十分好我對番人十五分好
但在我原則上我唔接受人地對我一兩分好我對番佢五六分好
但係對住你 我覺得由頭到尾都係維持住呢個唔合乎我原則既關係
你好被動我唔介意主動D搵你
問你兩句先應一句 ok fine 我知你份人係咁
知道你唔開心一定會問候下你 即使你反應冷淡
你有問題想我俾意見 我真係以最真心咁去解答
哪怕係一D唔岩聽既說話 因為我真心想你好
你唔開心發脾氣講D唔好聽既野我都盡量忍你
哪怕係一D唔岩聽既說話 因為我真心想你好
你唔開心發脾氣講D唔好聽既野我都盡量忍你
相反呢? 你搵我通常係無聊想搵人吹水
都唔緊要 我有時唔得閒都會陪你吹兩句
我唔開心想搵你傾下 一樣係反應冷淡
更可能又講D傷人既說話令我更唔開心
我俾你激親講D口不對心既說話
唔知你係唔明定唔理 總之結果永遠令我失望
做朋友係咁架咩?
雖然我唔算話對你好好
但比起你o係我地既友誼上既付出 我已經做多好多
今日又再重蹈覆轍
我主動關心你想了解下你最近發生咩事
又一次俾你既冷淡,孩子氣打沉左
我開頭係嬲之後係失望
to be exact應該係心淡 因為對你都冇咩期望
最後我del左你as facebook friend
我問自己有需要咁做嗎
我搵唔到一個好strong既理由去support
因為我又唔係好憎你又唔係話想同你絕交
不過我知道如果個對象唔係你
我應該只會選擇ignore
但因為你係一個我真心care既朋友
除左呢個無聊到好似小學生話要將兩張木台分開一半以示不滿既做法
我無從去宣洩對你果種心淡到極既感覺
